اسٹرابیری‬‬ ‬‬کے فوائد

اسٹرابیری‬‬ ‬‬کے فوائد

سرخ رنگ کا یہ پھل دیکھنے میں جتنا خوبصورت ہے جسمانی صحت کے لیے اتنا ہی فائدہ مند بھی۔

اگر آپ اسٹرابیری کو پسند نہیں کرتے تو ضرور کریں، اس لیے کیونکہ یہ لذیذ اور عرق سے بھرپور ہے بلکہ یہ کسی بھی طرح سپرفوڈ سے کم نہیں۔

وٹامن سی سے لے کر متعدد اینٹی آکسائیڈنٹس تک اسٹرابیری متعدد طبی فوائد پہنچاتی ہے اور ان میں سے کچھ آپ کو حیران کردیں گے۔

اس لئے گرمی کے موسم میں خاص طور پر ان کا استعمال بڑھا دینا چایئے۔میں نے آپ کو کافی پھلوں کے فوائد بتا چکا ہوں آج بھی میں ایک پھل اسٹرابیری کے بارے میں آپ کے لئے معلومات لے کر آیا ہوں۔اور امید کرتا ہوں کہ آپ میرے دوسرے مضامین کی طرح اس مضمون کو بھی پسند کریں گے۔

اسٹرابیری کا پہلا ملک فرانس ہے لیکن کچھ لوگوں کے مطابق اس کو دو سو سال قبل روم میں اگایا گیا تھا۔لیکن اب یہ دنیا کہ ان تمام ممالک میں اگایا جاتا ہے جہاں موسم معتدل رہتا ہے۔اسٹرابیری اس لحاظ سے بھی منفرد ہے کہ اس کا بیج اس کے چھلکوں میں ہوتا ہے۔اسٹرابیری میں وٹامنز سی اور کے، پوٹاشیم، میگنیشیم،فائبر،سیلی کون،جست،فولک ایسڈ اور آئیوڈین موجود ہے۔آجکل یہ پھل ہمیں ریڑیوں پر عام ملتا ہے اسٹرابیری کی چھ سو سے زائد اقسام موجود ہیں۔کہا جاتا ہے کہ یہ گلاب کے خاندان سے تعلق رکھتی ہے اس لے اس کو محبت کی علامت بھی سمجھا جکاتا ہے۔اس کا استعمال انسان کو کئی بیماریوں سے وور رکھتا ہے۔

اسٹرابیری دیکھنے اور کھانے میں خوش شکل اور خوش ذائقہ ہوتی ہے۔اسٹرابیری کو آپ اپنے گھروں میں گملوں میں بھی اگا سکتے ہیں اس کے ننھے ننھے پودے جلد ہی پھل دینا شروع کر دیتے ہیں ۔اس میں موجود حرارے جسم کو دبلا رکھنے میں مدد گار ہیں۔اس کے علاوہ یہ جسم میں خون کو پتلا رکھتا ہے۔اسٹرابیری اپنے ذائقے کی وجہ سے آئس کریم،جام ،جیلی ،ادویات اور مشروبات میں استعمال کی جاتی ہے۔اس میں موجود اینٹی اوکسی ڈینٹ یورک ایسڈ کی مقدار کو کنڑول میں رکھتا ہے۔ایسے افراد جن کو بھوک نہ لگتی ہو وہ اسٹرابیری ضرور کھائیں کیونکہ یہ بھوک کو بڑھاتی ہے۔گردے ،پتے اور جگر کے پیچیدہ امراض میں اس کا استعمال نہ کیا جائے۔

جسمانی دفاعی نظام بہتر بنائے

طبی ماہرین کے مطابق اسٹرابیری وٹامن سی کے حصول کا بہترین ذریعہ ہے، انسانی جسم اس وٹامن کو بنانے کی صلاحیت نہیں رکھتا اور اسی لیے اسے غذائی شکل میں حاصل کرنا بہت اہمیت رکھتا ہے، وٹامن سی جسمانی دفاعی نظام کو مضبوط اور طاقتور کرتا ہے۔ کیلیفورنیا یونیورسٹی کی ایک تحقیق کے مطابق اگر چند ہفتوں تک اسٹرابیری کا روزانہ کچھ مقدار میں استعمال کیا جائے تو اس میں موجود اینٹی آکسائیڈنٹ کی طاقت خون کا حصہ بن جاتی ہے۔

آنکھوں کی صحت کے لیے

اینٹی آکسائیڈنٹس سے بھرپور اسٹرابیری کا پھل موتیے کے مرض کی روک تھام میں مددگار ثابت ہوسکتا ہے، جس کے نتیجے میں بڑھاپے میں بینائی ختم ہونے کا خطرہ بھی ہوتا ہے۔ ہماری آنکھوں کو وٹامن سی درکار ہوتا ہے تاکہ سورج کی الٹرا وائلٹ شعاعوں کے اثرات سے بچا جاسکے جو قرنیے کے پروٹین کو نقصان پہنچاتی ہیں۔ وٹامن سی آنکھوں کے قرینے اور پردہ چشم کو مضبوط بنانے کا بھی کام کرتا ہے۔

کینسر کے خلاف مفید

وٹامن سی ایسا جز ہے جو کینسر کی روک تھام کے لیے بھی مددگار ثابت ہوتا ہے۔ جسم کے صحت مند دفاعی نظام کی بدولت امراض سے دفاع بھی مضبوط ہوتا ہے۔ ایک تحقیق کے مطابق اسٹرابیری میں موجود ایک جز ellagic acid انسداد کینسر کی خصوصیات رکھتا ہے اور کینسر کی خلیات کی نشوونما کو روکتا ہے۔

جھریوں سے تحفظ

اسٹرابیریز میں موجود وٹامن سی کولیگن کی پروڈکشن کے لیے بھی اہمیت رکھتا ہے جو جلد کی لچک اور نرمی کو بہتر بنانے میں مدد دیتا ہے، عمر بڑھنے کے ساتھ کولیگن کی سطح میں کمی آتی ہے تاہم وٹامن سی سے بھرپور غذا کے استعمال سے جلد کو صحت مند اور جوان بنانے میں مدد ملتی ہے، وٹامن سی کے ساتھ ساتھ اسٹرابیری میں ellagic acid بھی کولیگن کے خاتمے اور ورم کے ردعمل کو روکتا ہے اور یہ دونوں عوامل جھریوں کا باعث بنتے ہیں۔

خراب کولیسٹرول کے خلاف مزاحمت

دنیا بھر میں امراض قلب اموات کی بڑی وجوہات میں سے ایک ہیں اور اسٹرابیری میں دل کی صحت کو بہتر بنانے کی بھی خوبی ہے۔ ellagic acid اور فلیونوئڈز ایسا اینٹی آکسائیڈنٹ اثر فراہم کرتے ہیں جو دل کی صحت کو بہتر بناتے ہیں، یہ خون میں خراب کولیسٹرول کے اثرات کا مقابلہ کرتے ہیں جو شریانوں میں خون گاڑھا کرنے کا باعث بنتے ہیں۔ ایک کینیڈین تحقیق کے مطابق اسٹرابیری کا غذا میں استعمال امراض قلب اور ذیابیطس سے تحفظ دیتا ہے۔

ورم میں کمی

اسٹرابیریز میں موجود اینٹی آکسائیڈنٹس اور دیگر اجزاءجوڑوں کے ورم کا اثر کم کرنے میں بھی ممکنہ طور پر مددگار ثابت ہوسکتے ہیں۔ ہاروڈ اسکول آف پبلک ہیلتھ کی ایک تحقیق کے جو خواتین ہر ہفتے 16 یا اس سے زائد اسٹرابیریز کھاتی ہیں ان میں جوڑوں کے ورم کا خطرہ 14 فیصد تک کم ہوجاتا ہے۔

بلڈپریشر کو ریگولیٹ کرے

اسٹرابیری میں شامل پوٹاشیم بھی ایک اور صحت بخش جز ہے اور وہ نہ صرف بلڈ پریشر کو کنٹرول میں رکھنے میں مدد دیتا ہے بلکہ اس سے ہائی بلڈ پریشر کی سطح میں بھی کمی لائی جاسکتی ہے۔ بلڈ پریشر، خراب کولیسٹرول اور ورم سے تحفظ دینے کے باعث اسے دل کی صحت کے لیے بہترین پھلوں میں سے ایک بھی قرار دیا جاتا ہے۔

جسم میں فائبر بڑھائے

فائبر کھانے کے ہضم ہونے کے لیے ضروری ہوتا ہے اور اسٹرابیری میں قدرتی طور پر اس کی کچھ مقدار شامل ہوتی ہے۔ جسم میں فائبر کی کمی کے نتیجے میں قبض اور آنتوں کے ورم کا خطرہ ہوتا ہے جس کا سامنا عمر کی چھٹی دہائی میں موجود 50 فیصد افراد کو ہوتا ہے۔ فائبر ذیابیطس ٹائپ ٹو کے خلاف بھی جدوجہد کرتا ہے کیونکہ یہ خون میں چینی کی جذب کرنے کے عمل کو سست کردیتا ہے۔

جسمانی وزن کے لیے مفید

صحت مند وزن کو برقرار رکھنا ذیابیطس ٹائپ ٹو اور امراض قلب کے خلاف بہترین دفاع ثابت ہوتا ہے، اسٹرابیری قدرتی طور پر کم کیلوریز والا پھل ہے، جس میں چربی نہیں ہوتی جبکہ نمکیات اور قدرتی چینی کی مقدار بھی بہت کم ہوتی ہے، جو جسمانی وزن کو معمول میں رکھنے میں مدد دیتے ہیں۔

دوران حمل مفید

حاملہ خواتین کے لیے عام طور پر بی وٹامن کی ایک قسم Folate کے استعمال کا مشورہ دیا جاتا ہے اور اسٹرابیریز اس کے حصول کا بہترین ذریعہ ہے۔ Folate کو حمل کے ابتدائی مراحمل میں بچے کے دماغ، کھوپڑی اور ریڑھ کی ہڈی کے لیے ضروری جز مانا جاتا ہے اور اسٹرابیری کے استعمال سے مخصوص پیدائشی نقص کی روک تھام میں بھی ممکنہ طور پر مدد مل سکتی ہے۔

اسٹرابیری کے طبی فوائد:

٭اسٹرابیری جلد کے لئے بہت مفید ہے اس سے چہرہ کی رنگت بہتر ہوتی ہے۔اس کا طریقہ یہ ہے کہ اس کا گودا نکال کر چہرہ پر ملیں اور کچھ دیر بعد دھو لیں۔

٭اسٹرابیری بھوک بڑھاتی ہے۔

٭جگر کی خرابی میں اس کا جوس پینا جگر کو طاقت دیتا ہے۔

٭روزانہ اسٹرابیری کا استعمال قوت مدافعت کو بڑھاتا ہے۔

٭اسٹرابیری کھانے سے ہارٹ اٹیک کا چانسز کم ہو جاتے ہیں۔

٭اسٹرابیری جوڑوں کے دردوں میں کھانا مفید ہے۔

٭اس کے استعمال سے کینسر جیسے موذی مرض سے محفوظ رہ سکتے ہیں۔

٭اسٹرابیری بلڈ پریشر کے مریضوں کو بہت فائدہ پہنچاتی ہے۔

٭اسٹرابیری کھانے سے کولیسٹرول سے بچا جا سکتا ہے۔

٭اسٹرابیری کھانے والے نظر کی کمزوری سے محفوظ رہ سکتے ہیں۔

٭اسٹرابیری زود ہضم ہے،

٭اسٹرابیری جسم میں خون پیدا کرتی ہے۔

٭اسٹرابیری سے آنتوں کی سوزش کم ہوتی ہے۔

٭اسٹرابیری اسہال روکتی ہے۔

٭اسٹرابیری کو کاٹ کر آنکھوں پر رکھیں تو حلقے کم ہو جائیں گے۔

٭اسٹرابیری جھریاں پڑنے سے محفوظ رکھتی ہے جس سے آپ جوان رہتے ہیں۔

٭اسٹرابیری ہڈیوں کی کمزوری میں کھانا فائدہ مند ہے۔

٭اس کا گودا دانتوں پرملنے سے دانت سفید ہو جاتے ہیں۔

٭شوگر کے مریضوں کے لئے مفید ہے۔