کلام وارث شاہ۔۔۔ ۔۔ہیر وارث شاہ
کلام وارث شاہ۔۔۔ ۔۔ہیر وارث شاہ
کہی ہیر دی کرے تعریف شاعر ، متھے چمکدا حسن مہتاب دا جی
خونی چونڈیاں رات جیویں چن دوالے ،سُرخ رنگ جیویں رنگ شہاب دا جی
نین نرگسی مرگ ممولڑے دے، گلاں ٹہکیاں پُھل گُلاب دا جی
بھوں وانگ کمان لاہور دسن، کوءی حُسن نہ انت حساب دا جی
سُرمہ نیناں دی دھار وچ پھب رہیا،چڑھیا ہند تے کٹک پنجاب دا جی
کُھلی ترنجناں وچ لٹکدی ہے،ہاتھی مست جیویں پھرے نواب دا جی
چہرے سوہنے تے خال خطبندے ،خوش خط جیویں حرف کتاب دا جی
جیہڑے ویکھنے دے ریجھوان آہے، وڈا واعدہ تنہاں دے باب دا جی
چلو لیلۃ القدر دی کرو زیارت ،وارث شاہ اے کم ثواب دا جی
0 Response to "کلام وارث شاہ۔۔۔ ۔۔ہیر وارث شاہ"
Post a Comment