گل پژمردہ

گل پژمردہ

کس زباں سے اے گل پژمردہ تجھ کو گل کہوں

کس طرح تجھ کو تمنائے دل بلبل کہوں

تھی کبھی موج صبا گہوارۂ جنباں ترا

نام تھا صحن گلستاں ميں گل خنداں ترا

تيرے احساں کا نسيم صبح کو اقرار تھا

باغ تيرے دم سے گويا طبلۂ عطار تھا

تجھ پہ برساتا ہے شبنم ديدۂ گرياں مرا

ہے نہاں تيری اداسی ميں دل ويراں مرا

ميری بربادی کی ہے چھوٹی سی اک تصوير تو

خوا ب ميری زندگی تھی جس کی ہے تعبير تو

ہمچو نے از نيستان خود حکايت می کنم

بشنو اے گل! از جدائی ہا شکايت می کنم