زندگی انساں کی اک دم کے سوا

زندگی انساں کی  اک دم کے سوا کچھ بھی نہيں

دم ہوا کی موج ہے ،  رَم کے سِوا  کچھ بھی نہيں

گل تَبَسُّم کہہ رہا  تھا  زندگانی  کو  مگر

شمع بولی ،  گِریہء غم کے سِوا  کچھ بھی نہيں

رازِہستی راز ہے جب تک کوئی محرم نہ ہو

کھل گيا  جس دم تو محرم کے سوا  کچھ بھی نہيں

زائرانِ کعبہ سے اقبال  يہ  پوچھے کوئی

کياحرم کا تحفہ زمزم کے سوا  کچھ بھی نہيں 

دم: سانس _  رَم: بھاگنا، بھاگ اٹھنا _  تَبَسُّم: مسکرانے کی حالت _   گِریہء غم: دکھ درد کا رونا _ رازِہستی: زندگی کا بھید، زندگی کیا ہے ؟  محرم: واقف حال _ کھل گيا: ظاہر ہو گیا _  دم: پل، وقت، گھڑی _   زائرانِ: زائر کی جمع، زیارت کرنے والے _ حرم: کعبہ _  زمزم: آبِ زم زم