پيوستہ رہ شجر سے ، اميد بہار رکھ

پيوستہ رہ شجر سے ، اميد بہار رکھ

ڈالی،   گئی جو فصلِ خَزاں ميں شجر سے ٹوٹ

مُمکن نہيں ہری ہو سَحابِ بہار سے

ہے لازوال عہدِ خَزاں اس کے واسطے

کچھ واسطہ نہيں ہے اسے برگ و بار سے

ہے تيرے گلستاں ميں بھی فصلِ خَزاں کا دور

خالی  ہے  جيبِ گُل  زرِ  کامل  عيار  سے

جو نغمہ زن تھے خَلوَتِ  اوراق  ميں  طيور

رُخصت ہوئے ترے شجرِ  سايہ دار سے

شاخ  بُريدہ  سے سبق  اندوز  ہو  کہ  تو

نا آشنا  ہے  قاعدئہ  روزگار  سے

مِلّت  کے  ساتھ  رابطۂ  ا ُستوار  رکھ

!پيوستہ  رہ  شجر  سے ،  اُميدِ  بہار  رکھ